SambhaLa Hosh Hai Jab Say Muqaddar Sakht Tar NikLa, Parha Hai Waasta Jis Say Wohi Teer-O-Tabar NikLa, Sabaq Deta Raha Jo Umar Bhar Roshan KhayaLi Ka, Ussay Jab Pass Say Dekha To Khud Bhi Tang Nazar NikLa, Samajh Kar Zindagi Jis Say Mohabbat Kar Rahe They Hum, Usay Jab Chhu Kar Dekha To Faqat Khaki Bashar NikLa, Mohabbat Ka Khumaar Utra To Tab Saabit Howa Hum Par, Jisay Hum Umar Samjhe They Wo Be'Maqsad safar NikLa..!!