Kaho Alwida Mujhe Is Tarha, K Wo Tamaam Chehre, Wo Tamam Baatein, Wo Tamam Sa'atein, Wo Tamam Ratein, Tamam Chahatain, Wo Rag-e-Jan Se Qareeb Rishte, Rahein Dil Mein Makeen Ban Kar, Rehein Sath Wo Haseen Ban Kar, Kabhi Na Un Ko Bhulao Tum, Kaho Alwida, Kaho Alwida Mujhe Is Tarha, Anaa K Butt Ko Sambhal Rakho, Aansoo'n Ka Hisaar Rakho, Mohabbaton K Haar Rakho, Kabhi Chahaton Ki Qabar Banao Tum, Koi Deep Dil Mein Jalao Tum, Kaho Alwida, Kaho Alwida Mujhe Is Tarha, K Toot Na Paye Rabt Apna, Rahe Nazar Mein Zabt Apna, Zehn Mein Sare Sawaal Rakho, Jawab Sare Tayar Rakho, Na Dosto Se Gila Karo Tum, Kaho Alwida, Kaho Alwida Mujhe Is Tarha, Koi Bhi Dosto Ka Chalan Rahe, Tumhara Un Se Phir Bhi Sukhan Rahe, Chahe Dil Mein Kaisi Hi Chubhan Rahe, Magar Guftagoo Mein Husn-E-Zan Rahe, Pyar Apna Phir Bhi Jatao Tum, Kabhi Alwida Kaho Mujhe Is Tarha Tum, Kabhi Aankh Ki Jo Talab Barhe, Kabhi Dil Ki Jo Talab Barhe, Kabhi Dard Jo Be Sabab Barhe, Apne Aansoo'n Se Bhujao Tum, Kaho Alwida, Kaho Alwida Mujhe Is Tarha, Chahe Fasla Bhi Taweel Ho, Chahe Anaon Ki Koi Faseel Ho, Chahe Milne Ki Na Ko Sabeel Ho, Chahe Kaisi Hi Koi Daleel Ho, Apna Farz Nibhao Tum, Kaho Alwida, Kaho Alwida Mujhe Is Tarha, Shamain Bhi Tamam Gul Hoi, Utho Bazm Se Ab Tum Farheen, Ho Chuka Waqt Kooch Ka Dekho, Har Soo Andhera Cha Gia, Wo Mehfilein, Wo Ronaqain, K Tamam Hoein, Wo Riazatain, Ab Un Ko Bhool Jao Tum Kaho Alwida, Kaho Alwida Mujhe Is Tarha Tum.. Poet Farheen Bhopali.