Meri Nakaam Mohabbat Ki Kahani Mat Chair, Apni Mayoos Umangon Ka Fasana Na Suna, Zindagi Talkh Sahi Zehr Sahi Sam Hi Sahi, Dard-O-Aazar Sahi Gham Sahi, Zulam Ki Chaon Mein Dam Torti Khilqat Ko To Dekh, Apni Mayoos Umangon Ka Fasana Na Suna, Meri Nakaam Mohabbat Ki Kahani Mat Chair, Jalsa Gahon Mein Ye Dehshat Zada Sehma Anbooha, Rah Guzraon Pe Falakat Zada Logon K Garooh, Bhook Aur Piyas Se Paz Murda Siah Faam Zameen, Tera-O-Taar Makaan Muflis-E-Beemar Makeen, Noo-E-Insan Mein Ye Sarmaya-O-Mehnat Ka Tazaad, Aman-O-Tehzeeb K Parcham Tale Qomon Ka Fasad, Har Taraf Aatish-O-Aahan Ka Ye Sailab-E-Azeem, Lehlahate Howay Kheton K Chapar Mein Na Batti Na Dhowan, Ye Falak Bos Milein Dilkash-O-Samein Bazar, Ye Ghilazat Pe Jhapatte Howay Bhooke Nadaar, Door Sahil Pe Wo Shafaf Makano Ki Qatar, Sar Sarate Howay Pardon Mein Simatte Gulzar, Dar-O-Deewar Pe Anwaar Ka Sailab-E-Rawaan, Jaise Ek Shair-E-Madhosh K Khawabon Ka Jahan, Ye Sabhi Kion Hai Ye Kia Hai Mujhe Sochne De, Kon Insan Ka Khuda Hai Mujhe Sochne De, Apni Mayoos Umangon Ka Fasana Na Suna, Meri Nakaam Mohabbat Ki Kahani Mat Chair.. Poet Sahir Ludhianvi.