LAMHAIN KHOSHI K ANKH BACHA K GUZAR GAGE.

Lamhain Khushi K Aankh Bacha Kar Guzar Gaye,
Gham Hi Naseeb Mein Rahe Hum To Jidhar Gaye,
Tanha Rawan Hon Main Safar-E-Hijar-O-Yaas Mein,
Manzil Se Pehle Chor Mujhe Humsafar Gaye,
Main To Unhain Samait K Rakhta Tamam Umar,
Main Kia Karon? Wo Toot K Khud Hi Bikhar Gaye,
Koi Hawa Chali Na Dareecha Khila Koi,
Phir Kaise, Kion Ye Zakham Humare Nikhar Gaye?
Kaisa Ye Hadsa Tha Kisi K Khayal Mein,
Wo Mere Pas Se Jo Achanak Guzar Gaye,
Mujh Se Sawal Karte Hain Bargad K Pairr Bhi,
Jo Tere Hum Nawaa Thay Wo Sathi Kidhar Gaye?
KASHIF Mere Raqeeb Bhi Aaye Jo Samne,
Dekha Mera Khaloos To Chehre Utar Gaye.
Poet Kashif Nadeem.