Ashk Aankhon Mein Chupaty Hoye Thak Jata Hon

 

 

Poet 

 Mohsin Naqvi

  Ashk Aankhon Mein Chupaty Hoye Thak Jata Hon,

BoJh Paani Ka Uthatay Hoye Thak Jata Hon...,*

Paon Rakhtay Hain Jo MuJh Par Unhain Ehsas Nahi,

Mein Nishanat Mitatay Hoye Thak Jata Hon...,*

BarF Aisi K Pighalti Nahi Paani Ban Kar,

Pyaas Aisi K BuJhatay Hoye Thak Jata Hon...,*

Achi Lagti Nahi Is Dar Ja Shanasayi,

Hath Hathon Sy Milatay Hoye Thak Jata Hon...,*

Gham Gusari Bhi AJab Kaar-E-Mohabbat Hai K,

Mein Ronay Walon Ko Hansaty Hoye Thak Jata Hon...,*

Itni Qabrain Na Banao Mere Andar Mohsin,

Mein Charaghon Ko Jalaaty Hoye Thak Jata Hon...,*