KHUDA WON WAQT NA LAYE.

 

 Khuda Wo Waqt Na Laye K So Gawar Ho Too,
Sakoon Ki Neend Tujhe Bhi Haram Ho Jaye,
Teri Musarat-E-Paigham Tamam Ho Jaye,
Teri Hayat Tujhe Talkh Jaam Ho Jaye,
Ghamo Se Aaina-E-Dil Gudaz Ho Tera,
Hajoom-E-Yar Se Betab Ho K Rah Jaye,
Wafor-E-Dard Se Simab Ho K Rah Jaye,
Tera Shabab Faqt Khawab Ho K Rah Jaye,
Gharoor-E-Husn Sarapa Niaz Ho Tera,
Taweel Raton Mein To Bhi Qarar Ko Tarse,
Teri Nigah Kisi Gham Gusar Ko Tarse,
Khizan Raseeda Tamanna-E-Bahar Ko Tarse,
Koi Jabeen Na Tere Sang-E-Astan Pe Jhuke,
K Jins-E-Ijz-0-Aqeedat Se Tujh Ko Shaad Kare,
Fareb-E-Wada-E-Farda Pe Aytamad Kare,
Khuda Wo Waqt Na Laye K Tujh Ko Yad Aaye,
Wo Dil K Tere Liye Be Qarar Ab Bhi Hai,
Wo Aankh Jis Ko Tera Intazar Ab Bhi Hai..

POET FAIZ AHMED FAIZ.